Wedi bod yn meddwl am y post diwethaf. Os taw dim ond dwy ochr sydd, dywedwn y reddfol taw ar yr un ochr a Gordon Brown ydw i. Dyw e ddim yr un peth a Cameron a Boris Johnson a’r gweddill. Ry’n ni ar amser peryglus.
Cyhoeddwyd yn Uncategorized
Mae taith coffa Streic y Glowyr Billy Bragg yn dechrau heno ym Mlaenavon. Mae tocyn gyda fi i’w weld ym Mhontardawe Nos Fawrth. Ac mae’n dod ag atgofion yn ol gan i mi ei weld yng Nghanolfan Hamdden Penyrheol 25 mlynedd yn ol gyda’r 3 Johns a rhyw gor meibion ar ei daith i gefnogi’r glowyr.
Buodd Billy yn canu “Which Side Are You On” ym 1987. A dau ochr oedd ar y pryd. Roeddech chi neill ai gyda Thatcher a’i chriw neu ro’ch chi yn eu herbyn. Ers hynny mae pethau wedi newid ac erbyn hyn fydda i ddim yn meddwl yn nhermau y ddwy ochr fel y buon ni pryd ‘ny. Fel Pleidiwr r’wy yn erbyn y llywodraeth heb fod gyda’r Toris. Ond mae trafferthion presennol Gordon Brown a’r Plaid Llafur yn fy ngorfodi i feddwl sut y bydd pethau os (neu pan) y daw y Toriaid ‘nol i rym yn San Steffan. Torriadau, rhwygo cymunedau a chasineb fydd hi a bydd rhaid dod i hyd i ffordd i’n hamddifyn ein hunain
Which Side Are We On Boys?
Cyhoeddwyd yn Gwleidyddiaeth
Mae’r ardal hon yn brydferth, yn ymlaciol ac yn werth ymweld a hi. Rwy wedi treulio cryn dipyn o amser yna gan fod gyda fi deulu agos sy’n byw ‘na. Ond er gwaetha’r ffeithiau ‘na mae’n dal i deimlo yn estron iawn. Peth a ategwyd ati hi dros y penwythnos gan y tywydd braf (gwahanol i dywydd diweddar Cwmtawe).
Mae’n anodd gwybod yn union pam ei bod hi mor wahanol ond mae’r teimlad gyda fi ers i mi ddechrau mynd yna. Efallai y ffaith taw hon oedd un o’r ardaloeed cyntaf i gael ei “Eingl-Seicsoneddio”. Efallai y tirwedd lled fflat. Does dim modd gwybod ond rwy’n teimlo yn llawer fwy cartrefol yn Ne Ffrainc neu yng Ngogledd Lloegr nac yn Essex neu Suffolk.
Dydd Gwener ymweliad a Pinmill. Bwyta brechdanau tu fas a wedyn peint bach slei yn y Butt and Oyster. Tafarn glanmor llawn cymeriad gyda llawr flagstones a cwrw mewn casgenni tu ol i’r bar. Roedd yr arogl pysgod a sglodion tu fewn yn tynnu dwr o’r dannedd. Bu bron i ni ail-fwyta.
Bwyta yn y White Hart, West Bergholt ar Nos Sadwrn. Roedd y lle yn ddymunol iawn yn heulwen hwyr y prynhawn ond yn bwyd yn weddol ddi-fflach. Roedd y cwrw Adnams yn llawer fwy derbyniol.
Cyhoeddwyd yn Bwyd a Diod, Teithio
Watchmen gan Alan Moore – Clasur o gomic sydd newydd ei wenud yn ffilm. Lled siomedig gyda fe mewn gwirionedd. Y rhythm a’r cystrawen yn hynod, y cymeriadau yn gymleth ond y plot bach yn chwerthinllyd ar ol yr holl amser.
The Presence ac Ash on a Young Man’s Sleeve gan Dannie Abse – Siom ar yr ochr orau gyda’r ddwy hyn. Cymysgedd hynod o’r dwys a’r digrif a’r Presence yn arbennig yn gwau barddoniaeth (nid dim ond gan Abse) mewn yn hynod effeithiol.
Cyhoeddwyd yn Darllen
O’r diwedd ymddengys bod pall ar yr holl stwr am dreuliau gwleidyddion (aelodau seneddol yn bennaf). Rhaid dweud taw cyfuniad o naifdra anhygoel ar ran rhai gwleidyddion, talp o farusrwydd gan ychydig o rai eraill a phryd go helaeth o falis ar ran newyddiadurwyr sy’n gyfrifol.
O’m rhan i ymddengys buasai rhaid cael toriad yn fy nghfylog os o’n i am fod yn aelod seneddol ac un fwy os am fod yn aelod cynulliad. O ystyried fy nghfyrifoldebau presennol yn erbyn rhai ein gwleidyddion, does dim synnwyr yn hynny. Felly os oes angen gwella y sefyllfa torcalonnus presennol a gadael i Gymru a’r DU fynd ymlaen fel gwledydd lled ddemoctrataidd yr unid ateb yw dwblu cyflog pob AS ac AC. Ond pwy sy’n ddigon dewr ag i fynd a’r awgrym hynny mewn i etholiad?
Amser atgyfodi hyn o flog. Gawn weld faint mor lwyddianus all fod y tro hyn
Tywyll, niwlog ac oer. Dyna sut mae Gwlad Belg wastad yn fy meddwl i. Mae’n dod o’r tro y glaniais ym Mrwsel a’r peilot yn dweud rhybeth fel “2 degrees and foggy. It’s a pleasant evening in Brussels”. Wedyn cerddais i mewn i’r terminal i swn Jacques Brel yn canu Plat Pays . . .
“Gouden Carolus” yw Cwrw Mechelen, yn dod mewn tri fath – Triple, Amber a Classic. Y tri yn ddigon derbyniol os bach yn felys. Mae rhaid bod yn ofalus rhag cael gormod wrth gwrs gyda’r tri yn wyth y cant o alcohol. Roedd y bragdy drws nesaf i’m gwesty ond dim llawer o amswer i flasu yn anffodus.
Bwyd cyfoethog sydd i gael ym mwytai Mechelen gyda cig a saws yn arwain pob pryd. Den Beer yn ddewis da os y’ch chi’n digwydd bod yn y dre. Ar y Grote Markt ger yr eglwys Cadeiriol.
Cyhoeddwyd yn Teithio
